Мінадукацыі абяцае з 1 студзеня 2024 года павысіць заробкі некаторым педагагічным работнікам. Гэта прадугледваюць планы ўрада. Пра гэта паведамляе тэлеграм-канал Міністэрства адукацыі.
З 1 студзеня прадугледжанае павышэнне зарплаты на 15% ад акладу ўсім катэгорыям педагагічных работнікаў. Гэта закране кіраўнікоў з ліку педагогаў, настаўнікаў дзіцячых школ мастацтваў, настаўнікаў-дэфектолагаў, выхавальнікаў груп падоўжанага дня і некаторых іншых.
Настаўнікам сярэдніх школ і спецыяльнай адукацыі заробак падымуць на 22% ад акладу.
Таксама з Новага года на 5% ад акладу павысяць зарплату кіраўнікам і спецыялістам з ліку прафесарска-выкладчыцкага складу.
Будзе прызначаная даплата за складанасць выкананай працы для наступных катэгорый:
- 30% ад базавай стаўкі — выхавальнікам, выхавальнікам дашкольнай адукацыі, якія ажыццяўляюць персанальнае суправаджэнне навучэнцаў з разладамі аўтыстычнага спектру;
- 20% ад базавай стаўкі — памочнікам выхавальніка пры аказанні дапамогі ў суправаджэнні навучэнцаў з парушэннямі функцый апорна-рухальнага апарата з выяўленымі парушэннямі перамяшчэння, невідушчых навучэнцаў, а таксама навучэнцаў з парушэннямі маўлення, з цяжкасцямі ў навучанні, тых, што маюць парушэнні паводзін.
