«Зняў на відэа без адзення і чапаў за інтымныя месцы». У МУС заявілі, што затрымалі педафіла ў Смаргоні

Супрацоўнікі міліцыі затрымалі ў Смаргоні жыхара райцэнтра, які падазраецца ў разбэшчванні малагадовай, паведамілі ў прэс-службе МУС.

​
Паводле звестак міліцыі, калі дзяўчынцы было 8 гадоў, фігурант зняў яе на відэа без адзення і чапаў за інтымныя месцы. З таго часу ён перыядычна чапляўся да пацярпелай. Мужчына затрыманы.

Следчыя распачалі крымінальную справу за гвалтоўныя дзеянні сэксуальнага характару ў дачыненні да заведама малагадовай. Санкцыя артыкула прадугледжвае да 15 гадоў пазбаўлення волі.